ਗੁਰਮੀਤ ਕੜਿਆਲਵੀ - Gurmeet Karyalvi

ਗੁਰਮੀਤ ਕੜਿਆਲਵੀ ਜ਼ਿਲ੍ਹਾ ਮੋਗਾ ਦੇ ਪਿੰਡ ਕੜਿਆਲ ਦੇ ਰਹਿਣ ਵਾਲੇ ਹਨ । ਉਨ੍ਹਾਂ ਦੀ ਵਿੱਦਿਅਕ ਯੋਗਤਾ ਸਿਵਲ ਇੰਜਨੀਅਰਿੰਗ ਦਾ ਡਿਪਲੋਮਾ, ਐੱਮ.ਏ. (ਪੰਜਾਬੀ), ਐੱਮ.ਏ. (ਰਾਜਨੀਤੀ ਸ਼ਾਸਤਰ) ਅਤੇ ਯੂ.ਜੀ.ਸੀ. (ਨੈੱਟ) ਹੈ । ਕਿੱਤੇ ਵਜੋਂ ਉਹ ਸਮਾਜਿਕ ਨਿਆਂ ਤੇ ਅਧਿਕਾਰਤਾ ਵਿਭਾਗ ਵਿੱਚ ਇੱਕ ਅਧਿਕਾਰੀ ਹਨ । ਉਨ੍ਹਾਂ ਦੀਆਂ ਕਥਾ ਪੁਸਤਕਾਂ ਵਿੱਚ ‘ਅੱਕ ਦਾ ਬੂਟਾ’, ‘ਊਣੇ’, ‘ਆਤੂ ਖੋਜੀ’, ‘ਢਾਲ਼’, ‘ਹਾਰੀਂ ਨਾ ਬਚਨਿਆ’, ਅਤੇ ‘ਸਾਰੰਗੀ ਦੀ ਮੌਤ ਤੇ ਹੋਰ ਕਹਾਣੀਆਂ’ ਸ਼ਾਮਿਲ ਹਨ । ਇਸ ਤੋਂ ਇਲਾਵਾ ਉਨ੍ਹਾਂ ਨੇ ‘ਟਾਂਗੇ ਵਾਲਾ ਸੰਤਾ’, ‘ਅਸੀਂ ਉੱਡਣਾ ਚਾਹੁੰਦੇ ਹਾਂ’, ‘ਕராமਾਤੀ ਪੈੱਨ’, ‘ਸ਼ੇਰ ਸ਼ਾਹ ਸੂਰੀ’, ‘ਪੰਚ ਪਰਮੇਸ਼ਰ’, ‘ਅਸੀਂ ਹਾਂ ਮਿੱਤਰ ਤੁਹਾਡੇ’ ਆدਿ ਬਾਲ ਸਾਹਿਤ ਦੀਆਂ ਪੁਸਤਕਾਂ; ‘ਇੱਕ ਖ਼ਤਰਨਾਕ ਅੱਤਵਾਦੀ ਦੀ ਜੇਲ੍ਹ ਯਾਤਰਾ’ ਅਤੇ ‘ਦਹਿਸ਼ਤ ਭਰੇ ਦਿਨਾਂ ’ਚ’ ਵਾਰਤਕ ਪੁਸਤਕਾਂ ਅਤੇ ‘ਸਾਰੰਗੀ’ ਬਹੁ-ਚਰਚਿਤ ਨਾਟਕ ਦੀ ਰਚਨਾ ਕੀਤੀ ਹੈ । ‘ਆਤੂ ਖੋਜੀ’ ਉੱਤੇ ਲਘੂ ਫ਼ਿਲਮ ਵੀ ਬਣ ਚੁੱਕੀ ਹੈ ਅਤੇ ਉਨ੍ਹਾਂ ਦੀਆਂ ਕਈ ਰਚਨਾਵਾਂ ਨੂੰ ਸਕੂਲ ਅਤੇ ਯੂਨੀਵਰਸਿਟੀ ਦੇ ਸਿਲੇਬਸ ਵਿੱਚ ਸ਼ਾਮਿਲ ਕੀਤਾ ਗਿਆ ਹੈ । ਉਨ੍ਹਾਂ ਨੂੰ ਪ੍ਰਿੰਸੀਪਲ ਸੁਜਾਨ ਸਿੰਘ ਅਤੇ ਪ੍ਰੀਤਲੜੀ ਪੁਰਸਕਾਰ ਸਮੇਤ ਕਈ ਸਨਮਾਨ ਮਿਲ ਚੁੱਕੇ ਹਨ ਅਤੇ ਉਨ੍ਹਾਂ ਦੀਆਂ ਰਚਨਾਵਾਂ ਹਿੰਦੀ, ਮਰਾਠੀ, ਗੁਜਰਾਤੀ ਤੇ ਸ਼ਾਹਮੁਖੀ ਵਿੱਚ ਵੀ ਅਨੁਵਾਦ/ਲਿਪੀਅੰਤਰ ਹੋ ਕੇ ਛਪ ਚੁੱਕੀਆਂ ਹਨ ।